قصيدة معاناة أم

تقول القصيدة وين إنت ياحمدان أمك تناديك هذه الكلمات كتبتها الأم التي تشكي حالها إلى الله بعد أن أدخلها إبنها دار العجزه وهذا الفعل يبكي ولوكان القلب قاسيآ مثل الحجر تقول القصيده

وين إنت ياحمدان أمك تناديك
وراك ماتسمع شكايا وندايا

يامسندي قلبي على الدوم يطريك
ماغبت عن عيني وطيفك سمايا

هذي ثلاث سنين والعين تبكيك
ماشفت زولك زاير ياضنايا

تذكر حياتي يوم أشيلك وداريك
ولاعبك دايم وتمشي ورايا

ترقد على صوتي وحضني يدفيك
ماغيرك أحد ساكن في حشايا

وليامرضت أسهربقربك وداريك
ماذوق طعم النوم صبح ومسايا

ياماعطيتك من حناني وبعطيك
تكبر وتكبر بالأمل يامنايا

لكن خسارة بعتني اليوم وشفيك
واخلصت للزوجة وانا لي شقايا

أناأدري إنهاقاسية ماتخليك
قالت عجوزك ما أبيها معايا

خليتني وسط المصحة واناأرجيك
هذا جزا المعروف وهذا جزايا

ياليتني خدامة بين اياديك
من شان أشوفك كل يوم برضايا

مشكور ياولدي وتشكر مساعيك
وادعي لك الله دايم بالهدايا

حمدان ياحمدان أمك توصيك
أخاف من تلحق تشوف الوصايا

أوصيت دكتور المصحة بيعطيك
رسالتي واحروفها من بكايا

وإن مت لاتبخل علي بدعاويك
وطلب لي الغفران وهذا رجايا

وامطر تراب القبر بدموع عينيك
ماعاد ينفعك الندم والنعايا